എനിക്കും വേണം മോചനം .....

വലിയ ഇരുമ്പ് കവാടത്തിന്റെ ചെറിയ വാതിലിലൂടെ രഘു പുറത്തിറങ്ങി. മഴ പെയ്തൊഴിഞ്ഞ ഇരുണ്ടു മൂടിയ കാലാവസ്ഥ,നനഞ്ഞു കുതിര്‍ന്ന മണ്ണില്‍ കാല്പാടുകള്‍ തെളിഞ്ഞു കാണാം മഴത്തുള്ളികള്‍ ഇലകളില്‍ നിന്നും ഓടുകളില്‍ നിന്നും ഇറ്റിറ്റു വീണു കൊണ്ടിരുന്നു താളം തെറ്റിയ നാടിനും ബോധമില്ലാത്ത മനുഷ്യനുമൊപ്പം മഴയും മത്സരിക്കുന്നു, നിര്‍ത്താതെ തന്റെ രോഷം പ്രകടമാക്കുന്നു. കൃത്യമായ മാസ കണക്കുകളൊക്കെ മഴയും മറന്നു തുടങ്ങിയിരിക്കുന്നു. എവിടെ നിന്നോ ഒഴുകിയെത്തിയ തണുത്ത കാറ്റ് രഘുവിന്റെ മനസ്സിനെയും ശരീരത്തെയും ഒരുപോലെ കുളിരണിയിച്ചു. നനഞ്ഞു കുളിച്ച പക്ഷികള്‍ മരചില്ലകളില്‍ ഉറക്കം തൂങ്ങി ഇരിക്കുന്നു. റോഡിനിരുവശത്തും മഴയില്‍ സ്വമേധയാ ഉണ്ടായ ചാലുകളിലൂടെ മഴ വെള്ളം ചെറിയ ശബ്ദം പുറപ്പെടുവിച്ചു ഒഴുകി കൊണ്ടിരുന്നു. കുറച്ചു നേരം പുറത്തെ കാഴ്ചകളെല്ലാം ആസ്വദിച്ചു കൊണ്ടിരുന്ന രഘു ഒരു ദീര്‍ഘനിശ്വാസത്തോടെ തന്റെ മുന്നില്‍ നീണ്ടു പരന്നു കിടക്കുന്ന റോഡിലേക്കിറങ്ങി അപ്പോഴാണ്‌  രഘുവിന്റെ മുന്നില്ലേക്ക് കലങ്ങിയ ചുവന്ന കണ്ണുകളും ആളെക്കാള്‍ മുന്നേ നടക്കുന്ന കുടവയറുമായി കോണ്‍സ്റ്റബിള്‍ രാമന്‍ പിള്ളയും ഒരു സുഹൃത്തും വന്നു പെട്ടത് .

"എന്ത രഘുവേ,ഒന്നും പറയാതെ പോവ്വാണോ? "

ഉവ്വ് എന്നര്‍ത്ഥം വരുന്ന ഒരു ചെറിയ ചിരി മാത്രമാണ് രഘു മറുപടിയായി കൊടുത്തത് . രഘുവിന്റെ കയ്യില്‍ ചെറുതായി തൊട്ടു കൊണ്ട് രാമന്‍പിള്ള ചോദിച്ചു 

" ഇനി എപ്പോഴാന്നെടോ ഇങ്ങോട്ടൊക്കെ? "

കയ്യില്‍ പൊതിഞ്ഞു വെച്ചിരുന്ന വസ്ത്രകെട്ടു കക്ഷത്തില്‍ വെച്ച് മുഖത്ത് ഭാവ മാറ്റങ്ങള്‍ ഒന്നും വരാതെ രഘു തമാശ രൂപേനെ പറഞ്ഞു 

" എന്റെ പോന്നു രാമന്‍ സാറേ ഇനിയും ഈ നരകത്തിലേക്ക് തിരിച്ചു വരാനോ?  പോട്ടെ സാറേ ......." വാക്കുകള്‍ പൂര്‍ണ്ണമാകുന്നതിനു മുന്‍പ് തന്നെ രഘു നടത്തം ആരംഭിച്ചിരുന്നു.

ഒന്ന് തിരിഞ്ഞു പോലും നോക്കാതെ നടന്നകലുന്ന രഘുവിനെ കുറിച്ച് രാമന്‍ പിള്ളയോടായി സുഹൃത്ത് 

" ലെവന്‍ ഇത്തിരി മുറ്റാനെന്നു തോന്നുന്നു!! അവന്റെ മുഖത്തും ആ പെരുമാറ്റത്തിലും ഒക്കെ ഒരു വല്ലാത്ത നിഖൂടത ഖനീഭവിച്ചു കിടക്കുന്നുണ്ട്.പക്ഷെ കണ്ടാല്‍ നല്ല തറവാട്ടില്‍ പിറന്നതാനെന്നെ തോന്നൂ ഒരു മുഖശ്രീ ഒക്കെ ഉള്ള പയ്യനാ അല്ലെ രാമാ?" 

പോക്കറ്റില്‍ നിന്നും ഒരു സിഗരറ്റു കൂടെടുത്ത് അതിലൊന്നിന് തിരി കൊടുത്തു രാമന്‍ പിള്ള വാചാലനാകാന്‍ തുടങ്ങി.

" എന്റെ പന്ത്രണ്ടു വര്‍ഷത്തെ പോലീസ് ജീവിതത്തിനിടയില്‍ ഇത്തരത്തിലൊരു തടവ്‌ പുള്ളിയെ ഞാന്‍ കണ്ടിട്ടില്ല മാന്യമായ പെരുമാറ്റം എല്ലാവരോടും ബഹുമാനം ഉയര്‍ന്ന വിദ്യാഭ്യാസം....... 

രാമന്‍പിള്ള ആഞ്ഞു വലിച്ചൊരു പുകയെടുത്തു വേദനിപ്പിക്കാതെ കുറേശ്ശെയായി പുറത്തേക്കു വിട്ടു കൊണ്ട് സംസാരം തുടര്‍ന്നു

"ആ ചെക്കന്‍ വല്ല്യ തറവാട്ടില്‍ ഒന്നും അല്ലടോ ജനിച്ചത്‌. ഒരു ഇടത്തരം കുടുംബത്തിലെ ചെക്കനാ.... ഒരു എല്‍ പി സ്കൂള്‍ വാധ്യാരായിരുന്നു ചെക്കന്റെ അച്ഛന്‍. രഘുവിന് താഴെ രണ്ടു പെണ്മക്കളും വയ്യാതെ കിടക്കുന്ന ഒരു തള്ളയും അതാണ്‌ അവന്റെ കുടുംബം. അവന്റെ അച്ഛന്‍ വല്ല്യ സാമൂഹ്യ പ്രവര്‍ത്തകനും രാഷ്ട്രീയകാരനും ഒക്കെയാ ഇയാള് അദ്വാനിക്കുന്നതിന്റെ ഒരുപാതി പാര്‍ട്ടിയും അനുരച്ചരന്മാരും തിന്നു ആ വഹയില്‍ അയാള് കൊറേ കളഞ്ഞു കുളിച്ചു. പക്ഷെ കുറ്റം പറയരുതല്ലോ... മക്കളെ നന്നായി പഠിപ്പിച്ചു ആരുടെ മുന്നിലും പോയി കൈ നീട്ടാതെ അന്തസ്സായി പോറ്റി വളര്‍ത്തി. ഹാ............ ആ ചെക്കനിലായിരുന്നു അങ്ങേരുടെ ആകെയുള്ള ഒരു പ്രതീക്ഷ അത് ഇങ്ങനെയായി."

"അല്ല രാമാ .... ആ ചെക്കന്‍ എങ്ങനെയാ ഇവിടെയെത്തിയത് "

കയ്യിലെ സിഗരറ്റു കുറ്റി ചെരിപ്പിനടിയിലിട്ടു ഞെരിച്ചമര്‍ത്തി രാമന്‍ പിള്ള ഒരു വാഗ്മിയുടെ ഭാവത്തോടെ  പ്രകൃതി തത്വങ്ങളും വിധിയുടെ പരീക്ഷങ്ങളും ചേര്‍ത്തൊരു പിടി പിടിച്ചു 

"ഒക്കെ ഒരു വിധിയാടോ അല്ലേല്‍ എന്ത് മാത്രം പഠിച്ച ചെക്കനാ. എല്ലാര്‍കുമുള്ള പോലെ കൊറച്ചു രാഷ്ട്രീയവും അല്പം പ്രവര്‍ത്തനവുമൊക്കെ ഇവനും ഉണ്ടായിരുന്നു പക്ഷെ മറ്റുള്ളവരെ പോലെ അതില് മാത്രം ശ്രദ്ധിക്കാതെ രഘു നന്നായി പഠിക്കാനും ജോലിക്ക് വേണ്ടി പരീക്ഷ എഴുതാനുമൊക്കെ ഉത്സാഹിച്ചു. അവനെ ദൈവം സഹായിക്കുകയും ചെയ്തു ഗവര്‍മെണ്ട് ജോലിയില്‍ കയറാനുള്ള പരീക്ഷയും പാസ്സായി നിയമന കടലാസിനായി കാത്തിരിക്കുമ്പോഴാണ് അവനാ സത്യം മനസ്സിലാക്കിയത് താന്‍ കാത്തു നില്‍ക്കുന്ന ജോലി തനിക്കു കിട്ടില്ല എന്നാ മഹാ സത്യം. തന്റത്ര യോഗ്യതയില്ലാത്ത സ്വന്തം പാര്‍ട്ടീ നേതാവിന്റെ മരുമകന്‍ ആ ജോലി തട്ടിയെടുത്തിരിക്കുന്നു ഉദ്യോഗസ്ഥരെയും ഗവര്‍മെന്റിനെയും സ്വാദീനിച്ചു രഘുവിന്റെയുംമറ്റു യോഗ്യത ഉള്ളവരുടെയും നിയമന ഉത്തരവ് മരവിപ്പിച്ചു ലക്ഷങ്ങള്‍ കോഴ വാങ്ങി വിദഗ്ദമായി തട്ടിപ്പ് നടത്തിയിരിക്കുന്നു. ആകെയുണ്ടായിരുന്ന ഒരു പ്രതീക്ഷയായിരുന്നു അവനു ആ ജോലി ,രണ്ടു സഹോദരിമാര്‍ അമ്മ, പെന്‍ഷനായ അച്ഛന്‍, കണ്ണില്‍ ഇരുട്ട് കയറിയ പയ്യന്‍ ഒന്ന് നോക്കാതെ എടുത്തു ചാടി നേതാവിനെയും മരുമകനെയും കുത്തി. ഒന്നും മനപൂര്‍വ്വം അല്ലടോ ! ചോദ്യം ചെയ്യണം എന്നേ ചെക്കന്‍ കരുതിയുള്ളൂ പക്ഷെ അവര് കയ്യേറ്റം ചെയ്തപ്പോള്‍ ചെക്കന്‍ കയ്യില്‍ കിട്ടിയ കത്തിയെടുത്തു വീശിയതാ. തെളിവും സാക്ഷികളും ഒക്കെ എതിരായി അങ്ങനെ രണ്ടു വര്‍ഷം ഇവിടെയായി ...... നേതാവിന്റെ എച്ചില്‍ പട്ടികള്‍ കുറെ പേരുണ്ടല്ലോ ഈ ജയിലിലും  അവരും പയ്യനെ നിരന്തരം നന്നായി കൈകാര്യം ചെയ്തു..... ഒക്കെ വിധിയാടോ "  

രഘു നടന്നകന്ന റോഡിലേക്ക് നോക്കികൊണ്ട്‌ രാമന്‍ പിള്ള സംസാരം അവസാനിപ്പിക്കുമ്പോള്‍ അടുത്ത് നിന്ന സുഹൃത്തിന്റെ കണ്ണുകളില്‍ നിന്നും രണ്ടു തുള്ളി കണ്ണുനീര്‍ ഉതിര്‍ന്നു വീണു. 

അപ്പോഴും രഘു  നടക്കുകയായിരുന്നു ലക്ഷ്യമില്ലാത്ത യാത്ര മനസ്സില്‍ വികാരങ്ങളുടെയും സങ്കടങ്ങളുടെയും വേലിയേറ്റങ്ങള്‍ നടക്കുന്നത് മുഖത്ത് ദ്രിശ്യമായിരുന്നു.കരഞ്ഞു തളര്‍ന്ന കണ്ണുകളാല്‍ സ്വീകരിക്കുന്ന അനുജത്തിമാരെയും കിടക്കയില്‍ നിന്നും ദൈന്യതയോടെ നോക്കുന്ന അമ്മയെയും പ്രതീക്ഷകള്‍ മുഴുവന്‍ നശിച്ചു നിര്‍വികാരനായി പുസ്തകത്താളുകളില്‍ മുഖം മറച്ചിരിക്കുന്ന അച്ഛനെയും കുറിച്ചായിരുന്നു അവന്റെ ചിന്ത മുഴുവന്‍. വീട്ടിലേക്കു പോകുവാന്‍ രഘുവിന് മനസ്സു അനുവദിച്ചില്ല. എന്തിനെയും ആഘോഷമാക്കുന്ന നാട്ടുകാര്‍ പരിഹാസത്തോടെയും മുന വെച്ച സംസാരതോടെയുമാകും തന്നെ സ്വീകരിക്കുക എന്ന് അവനു ഉറപ്പായിരുന്നു.

എന്ത് ചെയ്യണമെന്നറിയാതെ ഏതോ ഒരു രക്തസാക്ഷിയുടെ പേരില്‍ സ്ഥാപിച്ച ബസ്സ്‌ ഷെല്‍ട്ടറില്‍ അവന്‍ മുഖം കുനിച്ചിരുന്നു അപ്പോഴും മനസ്സില്‍ അവന്‍ ദൈവത്തോട് ചോദിച്ചു കൊണ്ടേയിരുന്നു.

" ഞാന്‍ എന്ത് തെറ്റ് ചെയ്തു ? ഇനി ഞാന്‍ എന്ത് ചെയ്യണം."

പെട്ടെന്ന് തലയുയര്‍ത്തി ചുറ്റുപാടുകള്‍ നോക്കി എന്തോ മനസ്സിലുറപ്പിച്ചു രഘു വീണ്ടും നടന്നു........ ലക്ഷ്യമുള്ള യാത്ര 

റോഡില്‍ നിറയെ ആളുകള്‍ കൂട്ടം കൂടി നില്‍ക്കുന്നു കൊടികളും തോരണങ്ങളും മറ്റു അലങ്കാരവും കൊണ്ട് അവര്‍ ടൌണ്‍ അലങ്കരിച്ചിരിക്കുന്നു കയ്യില്‍ കൊടികള്‍ ഏന്തിയും മുദ്രാവാക്യം വിളിച്ചും അവര്‍ ആരെയോ കാത്തു നില്‍ക്കുകയാണ് വര്‍ണ്ണ പോസ്റ്ററുകള്‍ മതിലുകളില്‍ നിരന്നു കിടക്കുന്നു. വലിയ ഫ്ലെക്സ്  ബോര്‍ഡില്‍ കൂപ്പു കയ്യുമായി നിരവധി നേതാക്കന്മാര്‍ നിരന്നു നില്‍ക്കുന്നു.

 പൊടുന്നനെ ഒരു വിളംബര വാഹനത്തിനു തൊട്ടു പിന്നാലെ ആയിരങ്ങള്‍ അണി നിരന്ന ജാഥയും നിരവധി നേതാക്കളും ആവേശത്തില്‍ കടന്നു വന്നു.അണികളും നേതാകളും ആവേശത്തിലാണ്. വിളംബര വാഹനത്തില്‍  നിന്നും ഒരാള്‍ പ്രകടനത്തെ കുറിച്ച് സംസാരിക്കുന്നു "ജന വിരുദ്ധ ഭരണത്തിനെതിരെ അഴിമതിക്കെതിരെ സ്വജന പക്ഷപാതത്തിനും വിലക്കയറ്റത്തിനും എതിരെ ശക്തമായി ജന വികാരം ഉണര്‍ത്താന്‍ ആണീ യാത്ര"........................ അയാള്‍ തുടര്‍ന്നു കൊണ്ടേ ഇരുന്നു.

തിങ്ങി നിറഞ്ഞ ജനങ്ങളുടെ നടുവിലൂടെ രഘു നടന്നു നീങ്ങി റെയില്‍വേ പാളം ലക്ഷ്യമാക്കി 

"തനിക്കും വേണം മോചനം ഈ കാട്ടാളന്മാര്‍ക്കിടയില്‍ നിന്നും...... മൂന്നു തലമുറ തിന്നേണ്ട പൊതു മുതലുകള്‍ കട്ടുമുടിച്ച ഹിമാലയന്‍ അഴിമതികള്‍ നടത്തിയ ചെറ്റകളുടെ ഗീര്‍വാണം കേള്‍ക്കുമ്പോള്‍ വേശ്യ നടത്തുന്ന ചാരിത്ര്യ പ്രസംഗം പോലെ തോന്നുന്നു. കോഴിയെ കട്ടവനും തേങ്ങ കട്ടവനും, വിശന്നു വലയുമ്പോള്‍ ഭക്ഷണം കട്ടവനും ജയിലില്‍, കണക്കില്ലാത്ത പൊതു മുതലുകള്‍ കട്ടവന്‍ മാധ്യമങ്ങളില്‍ നിഷേധിച്ചും പ്രതികരിച്ചും ഒരു സൂപ്പര്‍ സ്ടാറിനെ പോലെ തിളങ്ങുന്നു. ഇതൊക്കെ കാണേണ്ട  ന്യായാധിപന്മാര്‍ കണ്ണ് മൂടികെട്ടിയ നീതി ദേവതക്കു മുന്നിലിരുന്നു കൊഞ്ഞനം കുത്തുന്നു അവര്‍ വഴി വിട്ട ബന്ധങ്ങള്‍ സ്ഥാപിച്ചു ലാഭമുണ്ടാക്കുന്നു .ഒന്നും കണ്ടില്ലെന്നു നടിക്കുന്നു . ഗവര്‍മെന്റ് ഉദ്യോഗസ്ഥന്മാരും നിയമ നിര്‍വ്വഹകരും റബ്ബര്‍ സ്റ്റാമ്പ് പോലെ പ്രവര്‍ത്തിക്കുന്നു. വില കയറ്റം ജനങ്ങളുടെ മൂക്കറ്റം എത്തിയിരിക്കുന്നു എന്നിട്ടും  ഒന്നും മനസ്സിലാകാതെ അല്ലെങ്കില്‍ എല്ലാം മനസ്സിലായിട്ടും മനസ്സിലായില്ല എന്ന് നടിച്ചു കൊണ്ട് പൊതു ജനം ഇപ്പോഴും ജയ് വിളിച്ചു കൊണ്ടിരിക്കുന്നു. ആര്‍ക്കാണ് യാതാര്തത്ത്തില്‍ മോചനം  വേണ്ടത്?" 

ബാധ്യതകളില്‍ നിന്നും കെട്ടുപാടുകളില്‍ നിന്നുമൊരു മോചനം വില കയറ്റവും ചൂഷണവും കള്ളവുമില്ലതോരിടതെക്കൊരു യാത്ര, രഘുവിന്റെ 'മോചന യാത്ര' റെയില്‍ പാളത്തിലൂടെ ............

 ചീറി പാഞ്ഞു വരുന്ന ട്രെയിനിനു മുന്നിലേക്ക്‌ .........  

അപ്പോഴും ദൂരെ അണികളുടെ മുദ്രാവാക്യം ഉയര്‍ന്നു കേള്‍ക്കാമായിരുന്നു ................... 

ശ്രീ ഒസാമ ബിന്‍ ഹിമവല്‍ ബദ്രാനന്ദ

'തോക്ക്' സ്വാമി എന്ന പേരില്‍ കുപ്രസിദ്ധിയാര്‍ജ്ജിച്ച സ്വാമി ഹിമവല്‍ ബദ്രാനന്ദയുടെ ഏറ്റവും പുതിയ വീഡിയോ സംഭാഷണങ്ങള്‍ യു ടുബില്‍ "ആരാധ്യനായ ആഭ്യന്ദര മന്ത്രി ശ്രീ കോടിയേരി ബാലകൃഷ്ണന്‍ അവര്‍കാലോടായി കുറച്ചു കാര്യങ്ങള്‍ പറയാനുണ്ട്"............. എന്ന് തുടങ്ങുന്ന വീഡിയോയില്‍ (വീഡിയോ താഴെ) മാധ്യമങ്ങള്‍കെതിരെയും പോലീസിനെതിരെയും ശക്തമായ ഭാഷയില്‍ ആണ് ഹിമവല്‍ ബദ്രാനന്ദ സംസാരിക്കുന്നത്. തന്റെ ആദ്യ യൂ ട്യൂബ് വീഡിയോകള്‍ നീക്കം ചെയ്യാന്‍ ശ്രമിക്കുന്ന പോലീസുകാരെയും ഹിമവല്‍ ബദ്രാനന്ദ ഭീഷണിപെടുതുന്നുണ്ട്. 
ഉള്ളടക്കം ഇങ്ങനെ,
“എന്‍റെ വീഡിയോ ഡിലീറ്റ് ചെയ്യാനുള്ള നീക്കം അവസാനിപ്പിക്കണം. ആ വീഡിയോ അവിടെ ഇരുന്നോട്ടെ. മാധ്യമങ്ങളുടെ വാക്കുകള്‍ കേട്ട് എനിക്കെതിരെ തിരിയരുത്. കുറുക്കന്‍റെ ബുദ്ധിയാണ് മാധ്യമപ്രവര്‍ത്തകര്‍ക്കുള്ളത്. നീചകര്‍മ്മം ചെയ്യുന്നവരാണ് അവര്‍. മാധ്യമപ്രവര്‍ത്തകരെ ഞാന്‍ അടിക്കുകയാണെങ്കില്‍ പൊലീസില്‍ അറിയിച്ച ശേഷം നേരിട്ടുചെന്നേ അത് ചെയ്യുകയുള്ളൂ. ഞാന്‍ ഒറ്റയ്ക്കേ അത് ചെയ്യൂ. വേറെ ആരെയും കൂടെ കൂട്ടില്ല. എനിക്കെതിരെ പ്രശ്നങ്ങളുണ്ടായപ്പോള്‍ പല ഗുണ്ടാസംഘങ്ങളില്‍ പെട്ട ആളുകളും എന്‍റെയടുത്തുവന്നു. മാധ്യമപ്രവര്‍ത്തകരെ കൈകാര്യം ചെയ്യാന്‍ അവര്‍ സഹായിക്കാമെന്ന് പറഞ്ഞു. പക്ഷേ ഗുണ്ടാസംഘങ്ങളില്‍ പെട്ട കുട്ടികളെ ഞാന്‍ നിരുത്സാഹപ്പെടുത്തുകയാണ് ചെയ്തത്. അവര്‍ക്ക് ഞാന്‍ ആന്‍റി ക്രിമിനല്‍ കൌണ്‍സിലിംഗ് നല്‍കി” - ഭദ്രാനന്ദ വിശദീകരിക്കുന്നു.

“ആണും പെണ്ണും കെട്ടവരാണ് മാധ്യമപ്രവര്‍ത്തകര്‍. എല്ലാ വാര്‍ത്തകളുടെയും പകുതി അവര്‍ വിഴുങ്ങും. കാവ്യാമാധവന് ഞാന്‍ നഗ്നപൂജ ചെയ്തു എന്ന വാര്‍ത്തയും അങ്ങനെയുണ്ടായതാണ്. ‘കാവ്യയ്ക്ക് മാനഹാനിയുണ്ടാകും’ എന്ന് വര്‍ഷങ്ങള്‍ക്കു മുമ്പ് പ്രവചിച്ചതാണ്. അക്കാര്യം ഡേറ്റ് അടക്കം എഴുതി വച്ചിരുന്നു. കാവ്യയുടെ പിതാവിനെ ഇക്കാര്യം അറിയിച്ചപ്പോള്‍ അയാള്‍ അത് കാര്യമാക്കിയില്ല. അയാള്‍ അട്ടര്‍ വേസ്റ്റാണെന്ന് ഞാന്‍ പറഞ്ഞതില്‍ ഇപ്പോഴും ഉറച്ചുനില്‍ക്കുന്നു. തന്തമാരായാല്‍ ഉത്തരവാദിത്തം വേണം” - ഭദ്രാനന്ദ പറയുന്നു.

“എന്‍റെ പെറ്റമ്മ, എന്‍റെയമ്മയല്ല എന്ന് വാര്‍ത്ത പ്രസിദ്ധീകരിച്ച പത്രമാണ് മാതൃഭൂമി. ഇതിന് ഞാന്‍ പണിതരും എന്ന് പി വി ഗംഗാധരനോട് നേരിട്ട് ഞാന്‍ പറഞ്ഞിട്ടുണ്ട്. കേസും കൊടുത്തിട്ടുണ്ട്. മനോരമയോട് കളിക്കാന്‍ എല്ലാവര്‍ക്കും പേടിയാണ്. തീവ്രവാദ സംഘടകളുമായി ബന്ധമുള്ളവര്‍ മനോരമയ്ക്കുള്ളില്‍ പ്രവര്‍ത്തിക്കുന്ന കാര്യം എനിക്കറിയാം. അത് അന്വേഷിക്കാന്‍ കോടിയേരി ബാലകൃഷ്ണന്‍ തയ്യാറാകണം. ക്രിസ്ത്യന്‍ സഭകള്‍ പറയുന്നതാണ് മനോരമയ്ക്ക് വലുത്. എത്രയോ സന്തോഷ് മാധവന്‍‌മാര്‍ സഭകള്‍ക്കുള്ളിലുണ്ട്. അതൊന്നും ആരും കാണുന്നില്ല. സനാതനധര്‍മ്മമനുസരിച്ച് ജീവിക്കുന്നവനാണ് ഞാന്‍. കോടിയേരീ, നിങ്ങളുടെ പാര്‍ട്ടിക്ലാസുകളിലും സനാതനധര്‍മ്മം പഠിപ്പിക്കണം. ക്രിസ്ത്യന്‍ പള്ളികളിലും മുസ്ലിം പള്ളികളിലും സനാതന ധര്‍മ്മം പഠിപ്പിക്കണം. അപ്പോള്‍ ഇപ്പോഴുള്ള പ്രശ്നങ്ങള്‍ക്കെല്ലാം പരിഹാരമാകും” - ആഭ്യന്തരമന്ത്രിയോട് ഭദ്രാനന്ദ ഉപദേശമായി പറയുന്നു.

“ഞാന്‍ ഗുണ്ടാ സ്വാമി ആണെന്നാണ് ഒരു ആരോപണം. അത് ശരിയാണ്. ലോകത്തേറ്റവും വലിയ ഗുണ്ടയായ പരമശിവനെയാണ് ഞാന്‍ ആരാധിക്കുന്നത്. അദ്ദേഹമാണ് ഏറ്റവും വലിയ ഡോണ്‍. അദ്ദേഹത്തിന്‍റെ ഒരു സബ് കോണ്‍‌ട്രാക്ടറാണ് ഞാന്‍. എന്‍റെ പിതൃസ്ഥാനത്ത് ഞാന്‍ കാണുന്നത് കോടതിയെയാണ്. എനിക്കൊരു പ്രശ്നമുണ്ടായപ്പോള്‍ എന്‍റെ ഹൃദയം കാണാന്‍ കോടതിയേ ഉണ്ടായിരുന്നുള്ളൂ. കോടതി എന്‍റെ ക്ഷേത്രമാണ്. ജഡ്ജിയാണ് അവിടുത്തെ പ്രതിഷ്ഠ. വക്കീലന്‍‌മാര്‍ പൂജാരിമാര്‍. അവിടെ പ്രാര്‍ത്ഥിക്കാന്‍ പോകുന്നവനാണ് ഞാന്‍” - ഭദ്രാനന്ദ സ്വയം വിലയിരുത്തുന്നു.

“കോടിയേരി ബാലകൃഷ്ണന്‍ എന്ന പഴയ കമ്യൂണിസ്റ്റുകാരനെയാണ് ഞാന്‍ ‘ബാലേട്ടാ’ എന്ന് സംബോധന ചെയ്തത്. ഇപ്പോഴത്തെ കോടിയേരിയെയല്ല. എനിക്കെതിരെ ഒരു മേയ് 17ന് കള്ളക്കേസ് ഉണ്ടാക്കിയപ്പോള്‍ മറ്റൊരു മേയ് 17ന് തിരിച്ചൊരു പണി കിട്ടിയത് ഓര്‍മ്മ കാണുമല്ലോ. എല്ലാത്തിനും എനിക്ക് 3 രൂപ 75 പൈസയുടെ ചെലവേ ഉള്ളൂ. ഒരു മുട്ടയുടെ വില.” - സ്വാമി പറയുന്നു.

“എന്‍റെ വീഡിയോകള്‍ നിരോധിക്കാന്‍ ഇറങ്ങിയിരിക്കുന്ന പൊലീസുകാരോട് എനിക്കൊന്നേ പറയാനുള്ളൂ. എനിക്ക് എന്‍റെ വഴി നിങ്ങള്‍ക്ക് നിങ്ങളുടെ വഴി. എനിക്ക് പറയാനുള്ളത് കേള്‍ക്കാന്‍ ഇവിടെ ഒരു മാധ്യമവും ഇല്ലാതെ വന്നപ്പോഴാണ് സായിപ്പ് ഉണ്ടാക്കിവച്ച യൂട്യൂബിനെ ഞാന്‍ ആശ്രയിച്ചത്. ഇനി ഞാന്‍ തുരുതുരെ വീഡിയോ പുറത്തുവിടും. തടയാന്‍ ആര്‍ക്കുമാവില്ല” - സ്വാമി വെല്ലുവിളിക്കുന്നു.

കേരളത്തില്‍ തീവ്രവാദം വളരുന്നതിന് പരിഹാരമായി തന്‍റെ ‘മെഡിസിന്‍ ഫോര്‍ ടെററിസം’ എന്ന വീഡിയോ കാണാനും കോടിയേരി ബാലകൃഷ്ണനെ ഹിമവല്‍ ഭദ്രാനന്ദ ഉപദേശിക്കുന്നു.(വെബ്‌ ദുനിയയില്‍ നിന്നും ചുരണ്ടിയത് )


2011 january 09 പുറത്തു വന്ന യു ട്യൂബ് വീഡിയോ 

സ്വാമിയുടെ അടിപൊളി അഭിമുഖം അടക്കം മുപ്പതോളം വീഡിയോ പോസ്റ്റു ചെയ്ത യു ട്യൂബ് ചാനല്‍ ഇതാണ് 
http://www.youtube.com/user/karmaworld0
ഹ ഹ ഹ ഇതൊക്കെ കണ്ടും കേട്ടും ചിരിക്കാതെ വേറെ എന്ത് ചെയ്യാനാണ് അല്ലെ ബാലേട്ടാ .............................

ഇപ്പൊ ആരാ സില്‍സില ആയതു ...

സില്‍സില ഹേ സില്‍സില ( വീണ്ടും )
എന്റെ കൂടെ പാടു നീ
സില്‍സില ഹേ സില്‍സില ( വീണ്ടും )
മോദമോടെ ആടു നീ
സില്‍സില ഹേ സില്‍സില ( വീണ്ടും )

മലയാളത്തിലെ ഏറ്റവും കു പ്രസിദ്ദമായ വീഡിയോ ആല്‍ബം. ഹരിശങ്കര്‍ കലവൂര്‍ എന്ന കലാകാരന്റെ സൃഷ്ട്ടി. യൂടൂബില്‍ അപ് ലോട് ചെയ്ത മലയാള വീഡിയോകളില്‍ ഏറ്റവും കൂടുതല്‍ തെറികേട്ടതും ഏറ്റവും വേഗത്തില്‍ പ്രചാരണം ലഭിക്കുകയും ചെയ്ത ആല്‍ബം. വീഡിയോ അപ് ലോട് ചെയ്ത യൂസറെയും വീഡിയോ നിര്‍മ്മിച്ച്‌ പാടുകയും ആടുകയും ചെയ്ത ആല്‍ബം ഉടമകളെയും തെറി എഴുതി തെറി എഴുതി കൈ കഴഞ്ഞ യൂ ട്യൂബ് ആസ്വാദകരെ ഞെട്ടിച്ചു കൊണ്ടൊരു പുതിയ വാര്‍ത്ത.

കു പ്രസിദ്ദമായ സില്‍സില ഗാനം വി കെ പ്രകാശ് സംവിധാനം ചെയ്യുന്ന നിര്‍മ്മാണം പുരോഗമിച്ചു കൊണ്ടിരിക്കുന്ന ത്രീ കിങ്ങ്സ് എന്ന മലയാള സിനിമയില്‍ ഉള്‍പെടുത്തിയിരിക്കുന്നു. യുവ താരങ്ങള്‍  ജയസൂര്യയും സംവൃത സുനിലുമാണ് ഈ ഗാന രംഗത്ത് ആടി തിമിര്‍ക്കുന്നതത്രേ. ഗാന രംഗത്തിന്റെ റിക്കോഡ്‌ സില്‍സിലയുടെ സൃഷ്ട്ടാക്കളുടെ സാന്നിദ്യത്തില്‍ തന്നെ പൂര്‍ത്തിയായി കഴിഞ്ഞു എന്നാണു റിപ്പോട്ടുകള്‍. ചുരുങ്ങിയ ദിവസങ്ങള്‍ കൊണ്ട് ലക്ഷകണക്കിന് യൂ ട്യൂബ് പ്രേക്ഷകര്‍ വീണ്ടും വീണ്ടും കണ്ട സില്‍സിലക്കു എണ്‍പത് ശതമാനം പ്രേക്ഷകരും വളരെ മോശമായാണ് പ്രതികരിച്ചത്. യൂ ട്യൂബ് പ്രേക്ഷകര്‍ എത്ര ശ്രമിച്ചിട്ടും തകരാത്ത മനശക്തിയുമായി വീഡിയോ ഡിലീറ്റു ചെയ്യാതെ മുന്നോട്ട് പോയ ഹരിശങ്കറിനു അവസാനം തന്റെ പ്രയത്നതിനുള്ള പാരിതോഷികം ലഭിച്ചത് ഇങ്ങനെയായി. ആല്‍ബത്തിന്റെ കുപ്രസിദ്ദി മുതലെടുത്ത്‌ സിനിമയെ പൊതുജന ശ്രദ്ദയാകര്ഷിക്കാനുള്ള ത്രീ കിങ്ങ്സ് ഉടമകളുടെ ശ്രമമല്ലേ ഇത് എന്ന് സംശയിക്കുന്ന വായനക്കാര്‍ മനസ്സിലാക്കുക സില്‍സില ഒരു മഹത്തായ സൃഷ്ട്ടി ആണ് നിങ്ങളെ ആകര്‍ഷിച്ച എന്തോ ഒരു പ്രത്യേകത ആ ഗാനതിനുണ്ടായിരുന്നു. ഇതിനു മുന്‍പ് ഈസ്റ്റ് കോസ്റ്റു വിജയന്‍ സാറിന്റെ ആല്‍ബം മാത്രമാണ് സിനിമയിലേക്ക് പോയി ശ്രദ്ദിക്കപെട്ടത്‌ എന്നാണു എന്റെ വിശ്വാസം. കാക്കതൊള്ളായിരം ആല്‍ബങ്ങള്‍ ഇറങ്ങുന്ന നമ്മുടെ നാട്ടില്‍ നാം ഒരിക്കല്‍ പോലും കാണാത്ത നിരവധി ആല്‍ബങ്ങള്‍ ഉണ്ടെന്നു ഓര്‍ക്കുക. തലതിരിഞ്ഞ കാരണങ്ങള്‍ കൊണ്ട് മാത്രം ഹിറ്റായ സില്‍സിലയുടെ തല വര മാറ്റി മറിക്കാന്‍ ചിത്രത്തിലൂടെ സാധിക്കും എന്ന് നമുക്ക് പ്രത്യാശിക്കാം. മലയാളത്തില്‍ ഇനിയും ഇത്തരത്തിലുള്ള ആല്‍ബങ്ങള്‍ ഉണ്ടാവട്ടെ, അവയെല്ലാം ശ്രദ്ടിക്കപ്പെടട്ടെ. കാമ്പുള്ള കഥയും അഴകൊത്ത നടിയും മസില്‍ കച്ചോടക്കാരന്‍ നടനും മോശമില്ലാത്ത പാട്ടും ഉണ്ടെങ്കിലെ ആല്‍ബം പിടിക്കൂ എന്ന് പറയുന്ന ചീള് മസിലു പിടിച്ചു നടക്കുന്ന ആല്‍ബം സംവിധായകന്മാരെ.................. കണ്ടു പഠിക്കൂ ഹരി ശങ്കറിനെ. 

ഹാസ്യത്തിന്  പ്രാധാന്യം നല്‍കി നിര്‍മ്മിക്കുന്ന ത്രീ കിങ്ങ്സ് സിനിമയില്‍ കുഞ്ചാക്കോ ബോബന്‍ , ഇന്ദ്രജിത്തു , ജയസൂര്യ എന്നിവര്‍ പ്രധാന കഥാപാത്രങ്ങള്‍ ആവുന്നു. എളുപ്പ മാര്‍ഗ്ഗത്തില്‍ കൊടീശ്വരന്മാരാകാന്‍ ആഗ്രഹിക്കുന്ന മൂന്നു ചെറുപ്പക്കാരുടെ കഥയാണ്‌ വി കെ പ്രകാശ് ത്രീ കിങ്ങ്സിലൂടെ പറയുന്നത്.

ഒന്ന് കൂടി കാണുമോ സില്‍സില ഹേ സില്‍സില 

ത്രീ കിങ്ങ്സ് വീഡിയോ ട്രെയിലര്‍ 

                   

അനുഗ്രഹിക്കൂ ആശീര്‍വദിക്കൂ ...........

വട്ട പേരില്ലാതെ കൂട്ടത്തില്‍ ഞെളിഞ്ഞു നടന്ന എന്റെ കൂട്ടുകാരന് ഞാനൊരു പേരിട്ടു 'നത്ത് ' ഉണ്ട കണ്ണുകളുള്ള എന്റെ സ്നേഹിതന്‍ എനിക്ക് തിരിച്ചിട്ട പേര് 'ചാക്യാര്‍' എന്നായിരുന്നു. ഹാസ്യത്തിന്റെ മേമ്പൊടി ചേര്‍ത്ത് സമകാലീന പ്രശ്നങ്ങളെയും  മറ്റു സംഭവങ്ങളെയും  വളരെ രസകരമായി അവതരിപ്പിക്കുന്ന 'ചാക്യാര്‍'. എന്തും വിളിച്ചു പറയാന്‍ ചാക്യാര്‍ക്കാവും വേണമെങ്കില്‍ സദസ്സിനെയും കാണികളെയും ചാക്യാര്‍ കളിയാക്കും പക്ഷെ കളി കഴിയുമ്പോഴേക്കും കാണികളുടെ മനസ്സില്‍ ഒരു നല്ല ചിന്തയും പുത്തന്‍ പ്രതീക്ഷകളും ഉണര്തിയെടുക്കാന്‍ ചാക്യാര്‍ക്കാവും. ഈ കഴിവൊന്നും എനിക്കില്ല എങ്കിലും വല്യ തരക്കേടില്ലാത്ത പേരായതു കൊണ്ട് ഞാന്‍ ഒന്നും മിണ്ടാന്‍ പോയില്ല ഇനി എന്തെങ്കിലും മിണ്ടിയിട്ടും കാര്യമൊന്നും ഇല്ല. വടി കൊടുത്തു അടി വാങ്ങിച്ചിട്ട് പിന്നേം എന്തെങ്കിലും പറഞ്ഞാല്‍ പേര് വല്ലാതെ ബോറാകും എന്നെനിക്കറിയാമായിരുന്നു. 
ഒരു വര്‍ഷത്തെ പ്രവാസ ജീവിതം ചാക്യാര്‍ വിജയകരമായി പൂര്ത്തീകരിചിരിക്കുന്നു ദിവസേനയുള്ള പത്ത് മണിക്കൂര്‍ ജോലിയില്‍ ഒരു പാട് ബ്ലോഗ്ഗര്‍ മാരെ പരിജയപെടാനും അവരുടെ പോസ്റ്റുകള്‍ ആര്‍ത്തിയോടെ വായിക്കാനും സാധിച്ചു അങ്ങനെയാണ് എനിക്കും ഒരു ബ്ലോഗ്ഗര്‍ ആയാല്‍ എന്താ എന്ന ചിന്ത ഉണ്ടായത്. സത്യത്തില്‍ മാസങ്ങള്‍ക്ക് മുന്‍പേ ആലോചനയും തയ്യാറെടുപ്പും നടത്തിയിരുന്നു പക്ഷെ എന്തോക്കൊയോ കാരണങ്ങള്‍ കൊണ്ട് പലപ്പോഴും ഉദ്യമത്തില്‍ നിന്നും പിന്മാറുകയായിരുന്നു. ഈ ആധുനിക കാല ഘട്ടത്തില്‍ ഒരു വ്യക്തിക്ക് തന്റെ അഭിപ്രായങ്ങളും ലേഘനങ്ങളും പ്രതികരണവും മറ്റു സാഹിത്യ സൃഷ്ട്ടികള്‍ എന്നിവയെല്ലാം പ്രസിദ്ദീകരിക്കാനുള്ള ഏറ്റവും നല്ല മാര്‍ഗ്ഗം ആണ് ബ്ലോഗ്‌. അത് കൊണ്ട് തന്നെയാവാം മലയാള ബൂലോകത്തില്‍ ആയിരക്കണക്കിനു ബ്ലോഗര്‍മാര്‍ വിലസുന്നത്. പോസ്റ്റുകള്‍ക്കും ബ്ലോഗുകള്‍ക്കും മീതെ ശക്തമായ സൌഹൃദങ്ങള്‍ ഉടലെടുക്കുന്നതും വിത്യസ്ത കാഴ്ച്ചപാടുകളുടെയും ആശയ സംഘട്ടനങ്ങളുടെയും വേദിയായി പല ബ്ലോഗുകളും മാറുന്നത് അത്ഭുതത്തോടെയാണ് ഞാന്‍ നോക്കി കണ്ടിട്ടുള്ളത്. ഓരോ വ്യക്തിക്കും എഴുതാനും പറയാനും പങ്കു വെക്കാനുമായി പലതും മനസ്സിനകത്ത് ഉണ്ടാവാം എന്നാല്‍ അതിനൊരു വേദി ഇല്ല എന്നത് തന്നെയാണ് പ്രധാന പ്രശ്നം. ഞാനൊരു വേദി കണ്ടെത്തിയിരിക്കുന്നു എഴുതാന്‍ ഒരു പേരും 'ചാക്യാര്‍' (വട്ട പേരാണേ) ഈ പേരില്‍ ആരെങ്കിലും എഴുതുന്നുണ്ടോ എന്നെനിക്കറിയില്ല എന്തായാലും ഇനി ഞാന്‍ പേര് വിട്ടു തരാന്‍ ഉദ്ദേശിക്കുന്നില്ല കാരണം ഇപ്പോള്‍ ഞാന്‍ ഈ പേരിനെ ഇഷ്ട്ടപ്പെടുന്നു എന്നത് തന്നെ. എന്റെ ഈ ഉദ്യമം ആത്മാര്‍ഥമായി സ്വാഗതം ചെയ്യുന്നവരെയും തികഞ്ഞ അവഗ്നതയോടെ പുച്ഛത്തോടെ എറിയാന്‍ തക്കം പാര്ത്തിരിക്കുന്നവരെയും ചാക്യാര്‍ കാണുന്നുണ്ട്. എന്തിരുന്നാലും ശെരി മലയാള ഭൂലോകത്തെ ഒരു ചെറിയ കണികയായി ഇനി ഈ ചാക്യാരും കാണും . എന്റെ ചിന്തകളും വികൃതികളും കൂട്ടിയിടാന്‍ വേണ്ടി മാത്രം ഒരിടം.ചാക്യാരെ സ്നേഹിക്കുന്നവരുടെയും വെറുക്കുന്നവരുടെയും അഭിപ്രായങ്ങളും നിര്‍ദ്ദേശങ്ങളും പ്രതീക്ഷിച്ചു കൊണ്ട് ................